Размер:
AAA
Цвет: CCC
Изображения Вкл.Выкл.
Обычная версия сайта

Кредиттік бюро

Fingramota_Kak_rabotaut_kreditnye_buro_v_Kz-02.jpg

Қазақстанда кредиттік бюролар қалай жұмыс істейді

Кредиттік бюролар кредиттер және бөліп сатып алу туралы ақпарат жинаумен айналысады. Алынған деректерге орай заңды және жеке тұлғалар туралы кредиттік есептер қалыптастырылады. Қазақстанда екі  кредиттік  бюро жұмыс істейді – «Мемлекеттік кредиттік бюро» және «Бірінші кредиттік бюро». Сіз кредит ресімдеген кезде, банк алдыңғы қарыздарды уақытылы қайтарғандығыңызды білгісі келеді. Бұл үшін ол кредиттік бюродан сіздің кредиттік тарихыңызды сұратады.

«Мемлекеттік кредиттік бюро»

«Мемлекеттік кредиттік бюро» – бұл Ұлттық Банктің коммерциялық емес еншілес ұйымы. Бүгінгі күні үш жүзден астам ұйым «Мемлекеттік кредиттік бюроға» ақпараттар ұсынады:

  • екінші деңгейдегі банктердің барлығы;
  • 160-тан астам микроқаржы ұйымы;
  • банк операцияларының жекелеген түрлерін жүзеге асыратын ұйымдардың барлығы;
  • коммуналдық қызмет көрсететін табиғи монополияның 15-тен астам субъектісі;
  • 30-дан астам өзге кредиттік ұйым;
  • ұялы байланыс операторы (байланыс құралдарын кредитке не бөліп төлеуге алған субъектілер туралы ақпарат);
  • 60-тан астам коллекторлық агенттік.

Сондай-ақ «Мемлекеттік кредиттік бюро» мемлекеттік органдардан ақпарат алады.

Fingramota_Kak_rabotaut_kreditnye_buro_v_Kz-03-kz.jpg

«Мемлекеттік кредиттік бюро» жеке бюролар үшін стандарттар береді, олардың қызметін бақылайды және кредиттік тарихтардың ең толық базасын жасайды. Егер банктер және микроқаржы ұйымдары ақпаратты барлық бюроларға жіберетін болса, онда мемлекеттік органдардың дерекқорлары «Мемлекеттік кредиттік бюроға» ғана қолжетімді. Егер сіз автомобиль немесе мүлік салығын төлемесеңіз, онда бұл ақпарат сіздің кредиттік тарихыңызға түседі.

Кредит ресімдеу кезінде, банк жеке кредит бюроға ақпарат жіберуге және деректер сұратуға сізден жазбаша рұқсат сұрауға тиіс. Кредиттер және бөліп сатып алу туралы деректерді «Мемлекеттік кредиттік бюроға» беру үшін банктерге сіздің рұқсатыңыз керек емес: олар мұны заң бойынша істеуге міндетті.

«Бірінші кредиттік бюро»

«Бірінші кредиттік бюро» Қазақстанда 10 жылдан астам жұмыс істейді. Бұл сегіз қазақстандық банкті және «Сreditinfo» компаниясын құрған жеке ұйым. «Бірінші кредиттік бюро» 80 жеткізушінің деректерін жібереді. Олардың арасында банктер, микроқаржы ұйымдары, лизинг және ипотекалық компаниялар, ұлттық даму институттары бар.

«Бірінші кредиттік бюро» көрсететін қызметтер:

  • Кредиттік есептегі дұрыс берілмеген ақпарат бойынша дауласу. Егер сіз ақпарат дұрыс көрсетілмеген кредиттік есеп алсаңыз, онда сіз қателер фактісін растайтын тиісті құжаттарды қоса бере отырып, «Бірінші кредиттік бюроға»  өтініш бере аласыз. Бюро ақпарат жеткізушімен хабарласып, жауап алады және қателер болған жағдайда кредиттік есеп өзгертіледі. Қызмет бюроның клиенттері үшін тегін көрсетіледі.
  • Кредиттік тарихты бақылау. Сіз тиісті жазылымды ресімдей отырып, өзіңіздің кредиттік тарихыңызда болып жатқан өзгерістерді бақылай аласыз. Мұндай жағдайда сізге электрондық почтаға немесе ұялы телефонға хабарлама келетін болады.
  • Дербес кредиттік рейтинг. Бюро кредит төлеу қабілетін бағалайды. Кредиттік рейтингті қалыптастыру кезінде кредиттік тарих қана емес, мынадай дербес деректер: отбасы жағдайы, жасы және басқалары есепке алынады. Егер сіздің рейтингініз төмен болса, онда сіз  автоматты түрде тәуекел тобына кіресіз.

Fingramota_Kak_rabotaut_kreditnye_buro_v_Kz-04-kz.jpg

Кредиттік бюро туралы білудің маңыздылығы:

  • Кредиттік бюро ақпарат жеткізушілер және көрсетілетін қызметтер  саны бойынша айрықшаланады.
  • «Мемлекеттік кредиттік бюрода» ғана мемлекеттік органдардың дерекқорына ғана кіруге рұқсат бар.
  • «Бірінші кредиттік бюрода»  кредиттік тарихты бақылауға жазылуға және кредит төлеу қабілетін бағалауға болады.