Размер:
AAA
Цвет: CCC
Изображения Вкл.Выкл.
Обычная версия сайта

Білім алуға қалай жинауға болады?

Fingramota_kak_nakopit_na_obrazovanie-02.jpg

Білім алуға қалай жинауға болады?

Жоғары білім балаларға ересек өмірге бастайтын жақсы бастаманы қамтамасыз етеді. Алайда жоғары білім өте қымбат. Сонымен қатар оқыту құны жыл өткен сайын қымбаттауда. Сондықтан да қажетті соманы жинау үшін алдын ала жинақтау бағдарламасын ашып қою қажет. Әйтпесе балалар өздері қалаған жерде емес, отбасы оқуының ақшасын төлеп бере алатын жерде оқуға мәжбүр болады. Тіптен жоғары білімсіз қалып қоюлары да мүмкін.

Сіздер соманы толық жинақтасаңыздар да болады, немесе ақшаны арнайы білім беру депозитіне салсаңыз да болады. Бұл депозиттің тағы бір пайдасы оған мемлекет нысаналы сыйлықақы төлейді – бұл депозит бойынша қосымша кіріс. Сіз білім беру депозитін өзіңізге немесе балаңызға аша аласыз. Келешекте жинақталған ақша Қазақстандағы немесе шетелдегі колледжде немесе университетте оқу ақысын төлеуге көмектеседі.

Білім беру салымдарының кірістілігі.

Білім беру салымдары бойынша кіріс мыналардан: депозит бойынша сыйақыдан, оны сіздің банкіңіз есептейді, плюс депозит сомасының 5%-ынан бастап 7%-ына дейінгі мемлекеттің жыл сайынғы сыйлықақысынан (100 АЕК-тен көп емес) қалыптасады. Сыйлықақы жыл сайын 1 қаңтардан бастап депозитте ақшаны толық күнтізбелік жыл бойы сақтағаны үшін есептеледі. Яғни, егер сіз депозитті 2018 жылғы 1 шілдеде ашсаңыз, алғашқы сыйлықақы 2020 есептеледі.

Білім беру салымының шамалап алынған есебі.

  • 13,2%-ды банк төлейді
  • 5%-ды мемлекет төлейді
  • Бастапқы жарна: 7 000 теңге
  • Ай сайынғы жарналар: 10 000 теңге

Алғашқы жылы сіз 127 000 теңге жинайсыз. Банк 17 122 теңге сыйақы есептейді, ал мемлекет 6 970 теңге сыйлықақы төлейді. Сіздің салымыңыз 19,7% пайда әкеледі.

Егер сіз немесе балаңыз грантқа түссе, онда сіз депозиттің толық сомасын және сыйақыны, мемлекеттің сыйлықақысын жоғалтпастан толық алуға құқылы боласыз. Егер жоспарыңыз өзгеріп, білім беру салымындағы ақшаны оқу ақысын төлеу үшін емес, басқа мақсатқа алатын болсаңыз мемлекеттің сыйлықақысы төленбейді.

Білім беру салымдарын қандай банктер қабылдайды

Білім беру салымын сіз мемлекеттік білім беру жинақтау жүйесіне қатысушы банкте аша алсыз. Біздің елімізде бұл жүйе 2005 жылдан бері бар  және ҚР Білім және ғылым министрлігінің Қаржы орталығы басқарады. Білім беру салымдарын қабылдайтын банктердің тізімі Қаржы орталығының сайтында орналастырылған.

Салымдар теңгемен қабылданады. Салымды ашу үшін жеке куәлік жеткілікті, ал ең аз жарна 3 АЕК-ті құрайды. АЕК — айлық есептік көрсеткіш, ол жыл сайын қаралады, 2018 жылы 2 405 теңгені құрайды. Білім беру салымдары депозиттерге міндетті кепілдік беру туралы заңмен қорғалады: Қазақстанның депозиттерге кепілдік беру қоры оларға 10 миллион теңгеге дейін кепілдік береді.

Егер жинақ ақша жеткіліксіз болса

Арнайы білім беру салымдарына жинақтау тарихыңыз болса, сіз жеңілдікті талаптармен білім беру қарызын алуға өтініш білдіре аласыз. Мұндай қарыз Білім және ғылым министрлігінің Қаржы орталығының 100% кепілдігімен беріледі және оқу құнының 50%-на дейін өтеуі мүмкін.

Білім беру салымдары туралы нені білу қажет:

  • Арнайы білім беру салымдары бойынша кірістілік стандартты банктік салымдардан жоғары. Мемлекет жыл сайын қосымша кіріс төлейді — сыйлықақы жинақ ақша сомасының 5—7%-ы аралығындағы соманы құрайды;
  • Егер жинақ ақша жеткіліксіз болса онда жеңілдікті талаптармен қарыз ресімдеуге болады және оқу құнының 50%-ына дейін қайта қаржыландыруға болады;
  • Егер сіз грантқа оқуға түссеңіз, сіз білім беру салымы бойынша кірісті және мемлекеттің сыйлықақысын ала аласыз.