Бүгінгі күні қолма-қол ақша алып жүретін адамды сирек кездестіреміз. Қолма-қол ақшаның қажеті қанша? Ұялы телефон арқылы оп-оңай төлеуге болады, сол себепті банк карточкалары салынған әмиянды алып жүрудің қажеті де жоқ.

Смартфон арқылы байланыссыз төлем жасау тәсілдерінің бірі QR-төлемдер болып табылады. Бұл қандай технология, ол қалай жұмыс істейді және несімен ыңғайлы, сондай-ақ QR-кодтардың көмегімен қаржылық алаяқтардың қармағынан қалай құтылуға болады – осы мәселелерді Fingramota.kz-пен бірге қарастырамыз.

QR-код бойынша төлем жасау не үшін қажет?

QR-кодтар бүгінде барлық жерде таралған. QR-код – бұл іс жүзінде кез келген ақпаратты шифрлауға болатын деректердің тасымалдаушысы: әріптік және цифрлық символдар, сурет, сілтемелер, визит карточкалары, сондай-ақ оқуға қажетті төлем деректері: банктік деректемелер, сатушы, сатып алынатын тауар туралы ақпарат және басқа.

Қазіргі уақытта QR-код сканері барлық смартфондарға салынған, сондықтан QR-код сатып алушылар үшін ғана емес, сатушылар үшін де қолма-қол ақшасыз төлеудің ең қолжетімді, ыңғайлы және жылдам құралдарының біріне айналды, өйткені QR-код бойынша төлемдерді карталар бойынша қабылдаудан өзгеше, қажетті жабдықсыз қабылдауға болады.

Сонымен қатар, көптеген дүкендер сатып алуды QR-код арқылы төлейтіндігіңізді ескере отырып, жеңілдіктер немесе бонустар ұсынады. Банктер байланыссыз төлемнің осы әдісін таңдағанда көбінесе жақсы кешбэк ұсынады. Осылайша олар өздерінің қосымшаларын танымал етеді және клиенттердің сенімін арттырады.

QR-код бойынша ақыны төлеу үшін мыналар қажет:

1. Қаржы инситутының мобильдік қосымшасынан «QR» белгісін тауып алыңыз, белгіні басыңыз, осы іс-қимылдан кейін камераның бейне іздеушісі ашылады.

2. Камераны QR-кодқа жақындатыңыз, сіздің телефоныңыздың экранында сатушының атуы, сондай-ақ төлем сомасы пайда болады.

3. Деректердің дұрыс көрсетілгендігін міндетті түрде тексеріңіз.

4. «Төлеу» немесе «Растау» батырмасын басыңыз. Сіздің шотыңыздан ақша алынады, ал сатушы төлем бойынша хабарлама алады.

5. Қате аударылған кезде, егер сіз дұрыс емес соманы аударсаңыз, мысалы, көрсетілген сомадан көп болса, бұл туралы сатушыға хабарлаңыз, ол артық ақшаны дереу қайтаруға тиіс.

Т олығырақ « Төлемдер мен аударымдар» бөлімінен оқыңыздар