Интернет-алаяқтардың тұзағына түсіп қалмау үшін не істеу керек? Бұл туралы «Актер бар кітап» атты театрландырылған event іс-шарасының жас өспірім қатысушыларына ҚР Қаржы нарығын реттеу және дамыту агенттігінің өкілі айтып берді. Іс-шара Алматыда 2022 жылдың 19 ақпанында «Алтын кілт немесе Буратиноның басынан кешкендері» ертегісінің желісі бойынша Fingtramota.kz қаржылық сауаттылықты арттыру жобасының шеңберінде өтті.
Осы іс-шараны ұйымдастырушылар – «Алматыкітап баспасы» баспа үйінің өкілдері «Ойын» атты тұңғыш тәуелсіз балалар театрымен бірлесіп атап өткендей, «Актер бар кітап» event іс-шарасының мақсаты – кітапты талантты актерлердің дауыстарымен жандандырып сөйлете білу. Және оған қол жеткізді!
Бұл күні Алексей Толстойдың танымал және барлығы жақсы көретін «Алтын кілт немесе Буратиноның басынан кешкендері» ертегісі әдеби клуб форматында филология ғылымдарының кандидаты, UIB доценті Шолпан Әдібаевамен талқыланды, ал «Ойын» театрының талантты актерлері осы тамаша кітаптан үзінділер оқыды. Іс-шараға қатысқан, ҚР Қаржы нарығын реттеу және дамыту агенттігінің маманы Дмитрий Акмаев, өз кезегінде, интернеттегі бейтаныс адамдарға неге сенбеу керек екенін, Желіде және офлайнда алдаудың қандай тәсілдері бар екенін және Буратиноның орнында болмау және қаржылық алаяқтардың құрбаны болмау үшін қандай сақтық шараларын сақтау керектігін айтты.
Ахмет Жұбанов атындағы мектептің оқушылары музыкалық аспаптарда (скрипка, виолончель, фортепиано) тамаша ойнауымен event іс-шарасына ерекше көңіл-күй сыйлады.
Бұл іс-шараның ойын форматы жас қатысушыларға өте ұнады, ал Fingramota.kz өз кезегінде балаларға және олардың ата-аналарына цифрлық гигиенаның маңыздылығы туралы ескертті – бұл сіздің жеке деректеріңізді кибералаяқтардан қорғауға көмектесетін қарапайым қауіпсіздік ережелері.
Толығырақ мына бөлімнен оқыңыздар
Банктегі немесе МҚҰ-дағы проблемалық қарыз: мерзімі өткен қарызды қалай өтеуге болады?
Ешкімге және ешқашан: қандай жеке деректерді үшінші тұлғаларға хабарлауға болмайды
Алаяқтардың кезекті әрекеті: қазақстандықтарды мобильдік байланыс операторларының және мемлекеттік...
Жеке сот орындаушылары "қол сұғылмайтын" банк шотын бұғаттауға құқылы ма?
Стоп кредит: қарыз алудан ерікті түрде бас тарту алаяқтардан қорғануға қалай мүмкіндік береді
Кері байланыс: қаржы пирамидаларын, жалған брокерлерді қалай танып білуге болады және өзіңізді онлай...