Кредиттік алаяқтардың қармағына қалай ілікпеуге болады?

time 28.07.2021
aye 7465
Кредиттік алаяқтардың қармағына қалай ілікпеуге болады?

Қаржылық алаяқтар алаяқтықтың жаңа схемаларын ойлап тауып, бір орында отырмайды.

- Сізге банктен кредит ресімдеуді және алынған қаражаттың бір бөлігін сіздің орныңызға кредит төлейтін делдалдарға беруді ұсына ма? Сенбеңіз, бұлар – алаяқтар. Екінші деңгейдегі банктер делдалдар арқылы жұмыс істемейді. 

 - Қандай да бір ұйым сізге аздаған ақшаға банктік кредиттер және микроқарыздар бойынша барлық борышыңызды есептен шығаруды ұсына ма? Бұлар – ақшаңызды алған бойда бірден жоқ болатын алаяқтар.

- Сізге төмен пайызбен кепілсіз кредитті ұсынып, алдын ала ақы енгізуді сұрай ма? Сенбеңіздер, бұлар – алаяқтар, ақшаны алып, дереу телефондарын өшіріп тастайды. Кредитті ресімдеу үшін ешқашан сыйақы бермеңіз!!!.

 - Сіз телефон қоңырауына жауап бере отырып «Иә» деп жиі айтасыз ба? Бұл әдетті қойыңыз. Телефон алаяқтары сіздің аты-жөніңізді және басқа дербес ақпаратты білген соң дауысыңызды жазып алып, сізге «бөтен» кредиттерді ресімдеуі мүмкін.

Сондықтан да ешқашан және ешбір жағдайда бейтаныс адамдарға өздеріңіздің дербес деректеріңізді, оның ішінде жеке басты куәландыратын құжаттарыңызды және төлем картасының деректемелерін айтпаңыздар және жібермеңіздер.

Осындай қарапайым  қағидалар сіздің қаражатыңызды залым алаяқтардан қорғауға мүмкіндік береді. Өзіңіздің кредит тарихыңызды үнемі тексеріп отырыңыз және ұдайы сақ болыңыз!

Қаржылық сауаттылығыңызды  www.fingramota.kz -мен бірге арттырыңыз!

white-arrow Тізімге